Саша Чаджа Thlisqt 7en506rae H Ss x g H Jj Ffowv Uui7d Eeb
| Саша Чаджа | ||
| «Мэрсін БСБ СК» | ||
| Атакуючы абаронца | ||
| Рост: | 178 см | |
| Грамадзянства: | Босьнія і Герцагавіна Сэрбія | |
| Дата нараджэньня: | 13 ліпеня 1989 (30 гадоў) | |
| Клюбная кар’ера | ||
| ||
| Мэдалі | ||
| Чэмпіянат Эўропы | ||
| Золата | Румынія-2015 | |
Саша Чаджа (па-сэрбску: Саша Чађо; нарадзілася 13 ліпеня 1989 году ў Сараеве) — сэрбская баскетбалістка, якая гуляе на пазыцыі атакуючага абаронцы ў турэцкім клюбе «Істанбул Юнівэрсытэсі» (Турэцкая ліга); чэмпіёнка Эўропы 2015 году ў складзе зборнай Сэрбіі.
Зьмест
- 1 Кар’ера гульца
- 1.1 Клюбная
- 1.2 У зборнай
- 2 Крыніцы
- 3 Вонкавыя спасылкі
Кар’ера гульца[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Прафэсійную кар’еру Саша пачала ў 2006 годзе ў баскетбольным клюбе «Младзе Краішнік» з Баня-Лукі, зь якім выйграла Кубак Рэспублікі Сэрбскай. Потым яна выступала за сараеўскі «Жалезьнічар», выйграўшы двойчы чэмпіянат Босьніі і Герцагавіны і адзін раз кубак Босьніі і Герцагавіны. У 2009 годзе перабралася ў сэрбскі чэмпіянат у каманду «Хемафарм» (цяпер «Вршац»), зь якой выйграла двойчы Кубак Сэрбіі (Мілана Цігі Васоевіча) у 2010 і 2012 гадах. У 2013 годзе ў складзе «Партызану» Саша перамагла ў чэмпіянаце Сэрбіі, Кубку Сэрбіі і Міжнароднай жаночай баскетбольнай лізе. Сэзон 2013/2014 правяла ў румынскай камандзе «Альба-Юлія», сэзон 2014/2015 — у турэцкай «Чанык Бэледые», з 2015 да 2017 гуляла за «Істанбул Юнівэрсытэсі». З 2017 — за турэцкі «Мэрсін БСБ СК».
У зборнай[рэдагаваць | рэдагаваць крыніцу]
Саша прыцягвалася ў моладзевыя зборныя Босьніі і Герцагавіны, аднак пазьней вырашыла гуляць менавіта за Сэрбію. Так яна трапіла ў зборную Сэрбіі на чэмпіянат Эўропы 2013 году, дзе і дэбютавала на буйных турнірах. Ва ўсіх 9 гульнях, якія правялі сэрбкі, Саша набрала 33 пункты (зь іх 11 у гульні супраць Турэччыны і 10 супраць Гішпаніі), аформіла 18 падбораў і зарабіла 18 асабістых заўваг[1]. На чэмпіянаце сьвету 2014 году Сэрбія дайшла да стадыі чвэрцьфіналу: Саша згуляла ў 6 гульнях з 7, набрала 22 балы (па 6 балаў у гульнях з Кітаем, Турэччынай і Анголай), аформіла 10 падбораў і зарабіла 11 асабістых заўваг[2]. На пераможным для Сэрбіі чэмпіянаце Эўропы 2015 Саша згуляла ўсяго 6 гульняў з 10, не гуляла ў апошніх трох, набрала адзінае ачко ў матчы супраць Харватыі, аформіла 7 падбораў і зарабіла 7 асабістых заўваг[3]. Перамога Сэрбіі на жаночым чэмпіянаце Эўропы стала першай для жаночай зборнай і дазволіла ім згуляць на Алімпійскіх гульнях упершыню ў гісторыі[4].
Крыніцы[рэдагаваць | рэдагаваць крыніцу]
- ^ Статыстыка выступаў Сашы Чаджа на чэмпіянаце Эўропы 2013 (FIBA)(анг.)
- ^ Статыстыка выступаў Сашы Чаджа на чэмпіянаце сьвету 2014 (FIBA) (анг.)
- ^ Статыстыка выступаў Сашы Чаджа на чэмпіянаце Эўропы 2015 (FIBA) (анг.)
- ^ Serbia women win EuroBasket title, gain first Olympics berth espn.go.com Праверана 29 June 2015 г.
Вонкавыя спасылкі[рэдагаваць | рэдагаваць крыніцу]
- Профіль на сайце Эўрабаскету(анг.)
- Профіль на сайце FIBA(анг.)