Wresrg

L’ortografia, la gramatica, lo vocabulari o la sintaxi d'aqueste article son de verificar.

Fadaruna (Faerûn en englés) es un dei continents situats sus la planeta Abeir-Toril dins lo monde fantastic dei Reiaumes Oblidats creat per Ed Greenwood. Es sovent utilizat per leis autors d'aventuras fantasticas per faire evoluar sei personatges e seis intrigas.

Geografia[modificar | modificar la font]

Lo continent de Fadaruna es vast, mesurant mai de 5500 km d'èst en oèst e 4000 km dau nòrd au sud, ambé de deserts cremants, de denses bòscs, d'impausantas montanhas e de lacs e mars lusents. Es dins aquel monde que leis abitants de Fadaruna restan cada jorn de cultivar la tèrra, servir de bièrra ai roturiers de la tavèrna, entretenir l'art de la conversacion, estudiar la magia o descubrir de tresors escondrats en combatent monstres e bèstias dins lei pus prefonds donjons.

Fadaruna es devesida en plusiors regions aguent sei pròprias particularitats. Au sud dau continent, leis junglas espessas de Chult escondran certans deis animaus pus feròç dei Reiaumes e lei plans de la savana dau Chaar assostan de creaturas qu'o son aumens tant. Au nòrd, aquelei qu'an vist lei joièus que son Aigaprefonda e Lunargent se podràn faire emportar per lo fresc penetrant dei montanhas dau Valbise se s'avisan pas. Lo grand desèrt d'Anauroch asseda leis aventuriers en questa de tresors. Leis encontradas dei Vaux, de la Sembie e dau Cormir dependon d'un quadre medievau-fantastic pus classic. Leis abitants dei còstas de la mar interiora deis Estelas Tombadas fan atencion a una possibla ataca de piratas.

L'aspècte geografic de Fadaruna remembra una Euròpa de temps mejans e mai dei semblanças a l'Asia Menora degudas ai quauquei caracteristicas dei pòbles comparables ai civilizacions d’aquela epòca, mai garda son amalgama de particularitats rendent aquela partida dau monde detalhada e rica.

Pòble[modificar | modificar la font]

Aquela partida dei Reiaumes a vist plusiors linhadas poderosas se dreiçar (per exemple la dinastia Obarsquir dau Cormir, e de multiples empèris tombar (coma Neteril). Per una majoritat, l'istòria de Fadaruna se limita a l'evolucion de la raça umana sus aqueu continent, ben qu'au temps onte aquelei resteravan encara dins de cavèrnas, de civilizacions avancadas en magia e en tecnologia coma leis elfes o lei nanets prosperavan, sens parlar dei pòbles considerats coma non-civilizats.

Cada partida de Fadaruna a sei pròpris abitants aguent totei de trachs fisics o psicologics diferents rendent l'identificacion d'una persona possible facilament. Una persona granda, aguent la pèu palle, lei peus color fuec o paille, leis uelhs avelanas o blaus, parlant lentament e aguent un atrach per la magia o lei joièus vendrà dau nòrd de la Costa deis Espasas, alora qu'au Calimchan lei gents auràn una pèu mai moreta e lei peus majoritariament negres.

Magia[modificar | modificar la font]

La màger part dei Fedarunians aprenon jamai de faire de la magia, mai afècta d'un biais o d'un autre sa vida sens que ne'n sigan necessariament conscients. Un magi assistent lo duc d'un comtat podiá ben faire tombar la plueja per ajudar l'agricultura, o getar un sòrt per seguir lei movements d’un de seis enemics.

Lei clercs e capelans d’aqueu monde utilizan elei una magia en màger part divina, n’estent que lei canalizators de la poténcia de sei dieus, bòns o marrits. Pòdon tanben ressuscitar una persona juste tombada a la batalha o levar una armada d’esquelèts per atacar un vilatge.

La preséncia d'artefactes magics espandits un pauc de pertot sus lo continent rend aqueu monde tant dangeirós coma lucratiu per leis aventuriers en quista de saber o de poder. De portaus magics de civilizacions disparegudas se retròban en plusiors endrechs, permetent de còps una teleportacion vèrs un autre endrech d’aqueu monde o un autre plan d'existéncia.

L'omnipreséncia de magia deliura pasmens pas lo pòble de sei supersticions, e lei mages e mascs son generalament defugits e crenhuts. De mai, lei gents dau comun fan pas sovent la distincion entre un masc estudiant la magia e un emmascaraire la mestrejant instintivament.

Organizacions[modificar | modificar la font]

Arriba que de gropes de personas aguent lei meteis interès o lei meteissei cresenças religiosas, o simplament perseguent un but comun s'alian per formar d'organizacions influentas sus lo continent. Lo Zhentarim o lei Mascs Roges de Thay an per tòca la dominacion dau monde, e prenon lei mejans necessaris per i arribar. Lei Menestreus temptan de conservar l'equilibri a Fadaruna entre lei fòrças dau ben e dau mau, e predican la justícia.

D’autreis organizacions menoras o localas son presentas dins aqueu monde, coma lo Culte dau Dragon o lei Raubaires de l'Ombra, mai seis influencias son limitadas.

Creaturas[modificar | modificar la font]

Fadaruna es lo brèç de la vida. De raças nombrosas s’i son desvelopadas e an prosperat, coma leis umans e leis elfes, o encara lei gigants, lei dragons e lei sahuagins... Mai lo bestiari d’aquel monde imaginari s'arresta pas aquí.

Cronologia abreujada[modificar | modificar la font]

Cronologia de Fadaruna