MartinchelSs ii P tGn enT895%
Martinchel ye ua freguesie pertuesa de l cunceilho de Abrantes. Situada acerca de la Barraige de Castielho de Beche, apersenta potencialidades an termos turísticos pula prossimidade de l speilho de auga de la segunda maior albufeira pertuesa (an superfice). Ten 17,10 Km² de ária, 604 habitantes an permanéncia (2011) i densidade 35,3 h/Km².
Tabela de cuntenido
- 1 Eilemientos de l Mesolítico i Neolítico
- 2 Azenhas
- 3 Caneiros
- 4 Curjidades
- 5 Fuontes
- 6 Lhigaçones sternas
Eilemientos de l Mesolítico i Neolítico[eiditar | eiditar código-fuonte]
Para alhá de la Anta de Bal de la Laje (repersentando l megalitismo enicial), stan inda referenciadas nesta zona la Mamoa de Castielho de Beche i la Anta de l Alqueidon (Martinchel).
Azenhas[eiditar | eiditar código-fuonte]
Azenha de ls Cabrizes – queda ne l leito de l riu Zézere, próssimo de la borda squierda, cerca de 300 metros la jusante de la foç de l Ribeiron i tamien la jusante de Castielho de Beche.
Azenha de la Boca de l Rieiro ó de ls Matos – queda na borda dreita de l riu Zézere, an frente a la foç de l Ribeiron i a jusante de Castielho de Beche.
Azenha de Pelores – na borda dreita de l Zézere, a jusante tanto de la foç de l Nabon cumo de Castielho de Beche.
Azenha de ls Frades – na borda squierda de l Zézere, junto a la foç de l Rieiro de l Bal de la Azenha, la montante de la foç de l Nabon i a jusante de Castielho de Beche. Pregunte na zona subre la localizaçon sata destes monumientos.
Caneiros[eiditar | eiditar código-fuonte]
Ye coincida la localizaçon de bários caneiros, tanto la montante de Castielho de Beche (que quedórun submersos cula auga de la Albufeira) cumo a jusante desse local. A títalo de eisemplo, coince-se ls Caneiros de la Barca Nuoba (Caneiro de la Mansa i Caneiro de l Oulibeira, adonde se diç que haberian muorto un home que iba a roubar peixe) i l Caneiro de l Rei, al fondo de l lugar de Casal de l Rei.[1]
Curjidades[eiditar | eiditar código-fuonte]
Antre ls anhos de 1859 i 1911, l més cun maior númaro de batizados an Martinchel fui l de Febreiro, cun 83 registos, anquanto aquel an que se registórun mais nacimientos fui Janeiro (70). L lugar de Outeiro ancabeça la lista, cun 62 nacimientos an 52 anhos, seguido de ls lugares de Casal de l Rei (51), Bilelas (43), Almoínha Bielha (39), Alagoa (23) i Bal de la Azenha (20).
Fuontes
- ↑ Martinchel – Dos Primórdios à Actualidade, M. Pereira, 1997
Lhigaçones sternas[eiditar | eiditar código-fuonte]
- Cámara Municipal de Abrantes
- Cámara Municipal de Custáncia
- Blog Tomar
- Tomar Online