Santa MargaitapjZi06e vl syP b FU0g e8upl IiSOosiX4SsD
Margàita de Antiochia (ò Mariña pe-a gexa ortodossa), vergine e martire e santa aoxiliatrixe, amaçâ sotta l'impiatô Diocreçian tra o 284 e o 305.
Se çellebra o 20 de luggio.
Patronægo: donne graie, moribondi, comun de Santa Margaita e de comun de Vernaçça
Emblema: dragon, parma
Biografia[modìfica | modìfica wikitèsto]
Margàita (Mariña, Ἁγία Μαρίνα, into "pascio" grego attribuio a un çerto Timoteo ch'o l'è a fonte prinçipâ pe a biografia) a nasce into 275 a Antiochia de Pixidia, a l'epoca uña de çittæ ciu fiorente de l'Axa Menô, (ancœu vexin a-e roviñe da çittæ l'è scituao a borgâ turca de Yalvac do destreito de Iconio); Paolo e Bærnabè inte-un di so viægi se ghe fermon pe predicâ Gexo Mescia e Figgio de Dê ótegnìndo molte converscioin.
O poæ Edeximo ò Edexio o l'ea sacerdote pagan, pe questo rollo a famiggia da Margaita a spiccava pe moscitæ e inta vitta sociâ e religioza da çittæ. Nisciuña notiççia s'ha da moæ. Margaita prexumibilmente a l'aresta orfana de moæ da-i primmi giorni de vitta, tanto che o poæ o l'affia a 'na mamma ch'a l'abita inta campagna vexiña.
A mamma segretamente crestiaña, a l'educò a Margàita a questa fe' e quand'a ritègne ch'a foise matua a-a presentò pe riçeive o battezzo. Tutto ço avvègne, ovviamente, a l'insaciua do poæ.
Semmo durante o periodo de persecuçioin descadenæ da Mascimian e Diocreçian, Margàita crescendo a l'imprendeiva a stoia di eroismi di fræ de fe', o l'irobustiva o so sprito inspiandose a-o Vangelo, a se sentiva deciza a emulâ o coraggio dimostrao da-i crestien davanti a-a crudeltæ de persecuçioin e inte so preghee a domandava de êse degna de testimoniâ a so fedeltæ a Cristo.
O poæ ignaro de tutto ço o decidde de repigiâ a figgia zœumoæ chinzenne presso a so caza de Antiochia. Margàita a fu subito a dezaxo segge pe o distacco da-a nutrixe, che pe o stile de vitta ch'a tegniva presso a caza paterna corma d'axi. Una seia o domandò a-o poæ cose rapresentessan quelle statoete e e lampe ch'ean in caza, o poæ o spiegò che quelli ean i iddoli ch'o l'adorava e o l'invitò a Margàita a bruxâ de l'incenso pe lô. Lê a l'ascôtâva squæxi indifferente quello che o poæ o ghe diva, o poæ o credette che a Margaita a mancava de 'n'educcaçion religioza adeguâ a-o proppio ceto sociâ, a l'affidò coscì a un meistro de so conoscença ch'o dirizeiva una scœua donde se mostrava un po' de tutto. A Margàita a no l'agradiva i insegnamenti paghen e doppo poco tempo a rivelò a-o poæ d'êse crestiaña. Pe tâ motivo, o poæ o no l'exitò a mandâla via de caza, quindi a Margàita a resegondò da-a so mamma ch'a l'acugette comme reduxe vittoioza de 'n'aspia bataggia. In campagna a Margaita a se reize utile scovendo a strœuppa e pe i atre necescitæ che s'apresentavan; questa a dedicava tanto tempo a-a preghea, in particolâ a pregava pe o poæ e pe i fræ inta fe', che vegnivan sempre ciu soventi perseguitæ.
Un giorno mentre a conduiva e pegoe a scœuve, a Margàita, a fu notâ da Olibrius, nœuvo governatô da provinça; apeña o-a vidde o l'arestò corpio da-a so belleçça e o l'ordenò ch'a ghe foise conduta denanti.
Doppo un longo coloqquio o governatô o no l'ariescì inte l'intento de convinçe a Margàita a diventâ so spoza, questa a se diciarò subito crestiaña e a fu inremovibile into professâ a so fe'. O governatô, doppo un longo interrogatoio, a-e risposte da Margàita, o controbatte co-a fragelaçion e l'incarçiaçion.
Segondo a tradiçion, in prexon a-a Margàita g'appâ o demonnio sotta forma de un teribile drago, ch'o se-a colla, ma lê armâ de 'na croxe ch'a tegniva inte moen, a squarça o ventre do mostro sconfizendolo. Da questo fantastego epizodio, nascette inta devoçion popolâ quella virtù riconosciua a Margàita, d'ótegnî, pe a so intercescion, un parto façile a-e donne che l'invocan primma che començe e dœugge.
Doppo un breve periodo de prexon, a Margàita l'è sottoposta a un nœuvo martellante interrogatoio davanti a tutta a çittadinança, in quest'ócaxon ascì, lê a no l'exita a proclamâ a tutti a so fe' e l'avei dedicao a Criste a so verginitæ. Ancon una votta a vegne inviâ a adorâ e ófrî inçenso a-i dê paghen, ma lê a se refua e a mençuña o brano do Vangelo de Mattê dixendo: "Quande saiei denanti a-i magistrati e a-i prescidi, no ve preocupæ comme ò cose dovei risponde, perché o Sprito do Poæ vostro, chi è inti çê, o parliâ pe voi".
Mentre tutti oservavan quante stava succedendo, una forte scossa de teramotto a feççe tremâ a tæra e aparse 'na comba co-ina coroña ch'a l'andò a depoñe insci-ô cappo da Margaita. Questo fæto prodigiozo, e affermaçioin da Margàita, o so refuo de pratiche pagañe e e molte converscioin che avègnan, mandon in sce tutte e furie o governatô ch'o l'emisse a sentença de condanna pe-a Margàita: "Ch'a segge degolâ fœua da çittæ".
Margàita a fu decapitâ o 20 luggio 290 a l'etæ de chinz'anni.
O còrpo o fu recugeito e portao in lœugo seguo da-i fedeli donde o fu fæto ogetto de gran veneraçion.
Segondo a tradiçion un pellegrin de nomme Agostin da Pavia, into secolo deximo, o l'ariescì a trafugâ, doppo varie peipeçie, o corpo de S. Margaita e a transportâlo in Italia, a Romma pe proseguî verso Pavia. Durante o viægio, o se fermò a Montefiascon, dond'o fu acugeito da-i Beneitin do monestê de San Pê a-i quæ o contò e vexende do so viægio. Doppo quarche giorno o pellegrin o s'amaotì e o moì, raccomandando a-i moneghi de conservâ e venerâ a preçioza reliquia.
Da chì commençò a diffondise o culto de S. Margàita pe tutta l'Italia e in atri paixi de l'Œüropa, molte çittæ se pregion erze gexe in so onô.
A nommina de S. Margàita a l'è coscì importante da êse inseja tra i "quattorze Santi aoxiliatoî", con questo nomme l'è dexignao un groppo de 14 santi a-a quæ intercescion o popolo crestian o sole fâ ricorso inti momenti diffiçili. Questi son: Acaçio, Egidio, Barboa, Giaxo, Cristoffa, Çiriaco, Dionigi, Emo, Sant'EustachioEustachio, Zorzo, Cattæña, Margàita, Pantalin e Vito.
Referençe[modìfica | modìfica wikitèsto]
traduto da www.santiebeati.it